日本女星戶田惠梨香為新片《死亡筆記：照亮新世紀》再演彌海砂，趁住電影本周四喺香港上映，佢專程來港幾天再會港迷，接受《蘋果》專訪時自言最欣賞香港導演王家衛，更主動提出想日後有機會跟王大導合作。原來喺芸芸亞洲演員及電影人當中，戶田表示最欣賞嘅係王家衛，曾睇過對方作品《花樣年華》，佢更甜笑地話：「如果有朝一日可以跟王家衛合作就好了。」至於梁朝偉方面，戶田都話同樣欣賞，可惜暫時未有機會踫面，希望日後可以見到兩位偶像。
現年28歲嘅戶田曾以童星姿態入行，在圈中發展逾17年，跟彌海砂一樣由少女偶像轉型成為演技派女星。戶田相隔10年再拍《死亡筆記》系列，隨住10年過去，佢坦言演繹同一角色確有難度及壓力，不過都好高興可以演活彌海砂一生。今次故事交代彌海砂已失去有關死亡筆記嘅記憶，問到若現實中可以刪除記憶，戶田就稱：「雖然我都有多次失敗的經驗，不過全部都是可以令到自己成長，所以我覺得沒有記憶是想刪除。」今次新片請來舊拍檔藤原龍也及松山研一客串，對於彌海砂仍然深愛已死去10年嘅夜神月，備受感動嘅戶田就有以下見解：「過了10年仍繼續保存這份感情，我認為是非常厲害，我很尊敬她。」戶田多年來仍獲一班香港影迷支持，對上一次來港已經是10年前，佢留港期間最難忘始終係粉絲嘅熱情。回顧今年，戶田坦言過得頗為悠閒，佢透露明年會在事業加把勁，會過得充實一點。還有20日就到新一年，戶田認為新年係最重要節日，所以會趁住數天假期跟家人度過。談到做藝人壓力頗大，佢話：「我會見朋友，例如食飯、談天，這樣已經足夠，是我的減壓方法。」
心得：戶田惠梨香演彌海砂是一絕，至今仍是十分適合此角色。
[attach]116919751[/attach][attach]116919752[/attach][attach]116919754[/attach][attach]116919755[/attach][attach]116919756[/attach][attach]116919757[/attach][attach]116919758[/attach][attach]116919759[/attach][attach]116919760[/attach][attach]116919761[/attach][attach]116919762[/attach][attach]116919763[/attach]
| 歡迎光臨 伊莉討論區 (http://www53.eyny.com/) | Powered by Discuz! |